வரவேணும் தை பொங்கல்

உதிக்கும் சூரியனை உளமார வணங்கவே!

இனிக்கும் கரும்பினை கடித்து தின்னவே!

இஞ்சி மஞ்சள் கோர்த்து மாலை செய்யவே!

அதை பானை இரண்டு அணிந்து கொள்ளவே!

நம் குடும்பம் சூழ அரிசியிட்டு அடுப்பில்

வைத்த பானை பொங்கவே !

குதித்து குதித்து

'பொங்கலோ பொங்கல் '

என்று சொல்லியே !

ஒன்றிலே வெண்பொங்கல் மற்றதிலே

சர்க்கரை பொங்கல் தனை

இலையிலே இட்டு

சூரியனுக்கு படைக்கவே !

கண் மூடி நன்றி சொல்ல

வரவேணும் தை பொங்கல் நம்

தமிழ் பொங்கல் !